2024-жылдын 29-октябрында Бишкек шаарынын Биринчи май райондук сот аткаруучулар кызмат бөлүмүнүн сот аткаруучусу тарабынан Бишкек шаарынын Биринчи май райондук сотунун чечими мажбурлап аткарылды.

Бишкек шаарынын Кулиев көчөсү менен М. Ганди көчөсүнүн кесилишиндеги аянты 0,164 га жер тилкесиндеги муниципалдык аймакты пайдалануудагы тоскоолдуктар жоюлуп, түштүк тарабынан узундугу 6,69 метр, түндүк тарабынан 115,78 метр, батыш тарабынан 16,06 метр, бийиктиги 2,5 метр болгон бир кабаттуу объекттер буздурулду.

Бишкек шаарынын мэриясынын жер ресурстар башкармалыгынын кызматкерлери соттун чечимин аткарууга көмөк көрсөтүштү.