Кыргыз Республикасынын сот системасындагы маалымат ресурстары
KG
Жарандарды кабыл алуу графиги Жума күнү с 14:00дөн 17:00гө чейин
Телефону +996 (312) 46-37-94 Бишкек ш., Джунусалиева к., 171
Бул туурасында Кыргыз Республикасынын Жогорку сотунун төрайымы Гульбара Калиева Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча Комитетинин көчмө жыйыны учурунда билдирди. Көчмө жыйындын алкагында аталган Комитеттин мүчөлөрү Чүй облусунун Ысык-Ата, Чүй райондук жана Токмок шаардык сотторунун имараттарынын абалдары жана Сот аткаруучулар кызмат бөлүмүнүн ишмердүүлүгү менен жеринен таанышып чыгышты.
Ысык-Ата райондук сотунда болгону 2 соттук зал бар. Ал эми Чүй райондук соту менен Токмок шаардык соту бир эле имаратта жайгашып, эки сот үчүн бир гана сот залы каралган. Бул имараттар тийиштүү талаптарга жооп бербейт, соттук отурум өтүүчү залдар жетишсиз. Кызматкерлердин иш бөлмөлөрү тар болуп, жарандар үчүн ыңгайлуу шарттарды түзүүгө мүмкүнчүлүк жок. Мындан тышкары жабырлануучулар менен айыпталуучуларды өз-өзүнчө жайгаштырууга шарт түзүлгөн эмес жана коопсуздук маселеси да курч турат.
Гульбара Калиева бүгүнкү күндө сот-укуктук реформанын алкагында жаңы имараттарды салуу, айрымдарын капиталдык оңдоп-түзөөдөн өткөрүү боюнча тийиштүү иш аракеттер жүрүп жаткандыгын кошумчалады.
Көчмө жыйындын отурумунда КР Жогорку сотуна караштуу Сот департаментинин директору Кубанычбек Капалов аткаруу өндүрүшүнүн маселелери жана көйгөйлөрү боюнча баяндама жасап, анда аткаруу документтеринин тийиштүү деңгээлде аткарылбай жаткандыгынын себебин аткаруу тартибинин жана көзөмөлдүн начардыгы, эмгек маянанын аздыгы, транспорттун жоктугу, карызкорлордун жоопкерчилик маселелери толук чечилбегендиги менен түшүндүрдү. Анын айтымында сот аткаруучулардын эмгек маянасы 10000 сомдун гана тегерегинде. Ал эми кээ бир сот аткаруучулар соттук актыларды аткаруу үчүн 200 км алыстыкта жайгашкан айылдарга чейин барууга мажбур болушат.
Мындан тышкары, көчмө жыйындын күн тартибине негизги маселе катары Кыргыз Республикасынын Өкмөтүнүн 2019-жылдын 7-мартындагы №112 токтому менен бекитилген “2019-2022-жылдарга Кыргыз Республикасынын сот системасын өнүктүрүү” Мамлекеттик максаттуу программасынын долбоорун кароо, “Кынтыксыздыктын талаптарын бузгандыгына байланыштуу судьянын кызмат ордунан бошотулган адамдын мамлекеттик жана муниципалдык кызматтарды ээлешин чектөө жөнүндөгү маселелер боюнча Кыргыз Республикасынын айрым мыйзам актыларына өзгөртүүлөрдү киргизүү тууралуу” Кыргыз Республикасынын Мыйзамынын долбоору жана “Кыргыз Республикасынын айрым мыйзам актыларына өзгөртүүлөрдү киргизүү тууралуу” Мыйзамдын долбоорлору каралып, Комитет тарабынан бир катар тийиштүү чечимдер кабыл алынды.
Ысык-Көл облусунда өндүрүлгөн мамлекеттик алымдарды өндүрүү иштерин өркүндөтүү боюнча жолугушуу өткөрүлдү
04 октября 2019
2019-жылдын 25-сентябрь айында Ысык-Көл областынын райондор аралык сотунда 2016-2019-жылдар аралыгында өндүрүлгөн мамлекеттик алымдарды өндүрүү иштерин өркүндөтүү боюнча жолугушуу өткөрүлдү.
Жолугушуу Кыргыз Республикасынын Жогорку Соту тарабынан жүргүзүлүп жаткан сот адилеттигинин натыйжалуулугун жогорулатуу жана сот актыларынын аткарылышын жакшыртуу боюнча иш чараларынын алкагында райондор аралык соттун иш планына ылайык өткөрүлдү.
Ошону менен бирге жолугушуунун дагы бир максаты – соттордун жергиликтүү бийлик органдары менен жер-жерлерде жолугушуу өткөрүп, сот реформасы алкагында пайда болуп жаткан ар кандай маселелерди талкуулап, сотко ишенимди арттыруу болуп саналаары айтылды.
Жолугушууга Ысык-Көл областынын райондор аралык сотунун төрагасы Тагаев М.М., судьясы Даркимбаев Т.К., Каракол шаардык САКБнүн улук сот аткаруучусу Джаманкеева Х.А., Жети-Өгүз райондук САКБнүн улук сот аткаруучусу Токоева Р.Р., Ак-Суу райондук САКБнүн сот аткаруучусу Алымбаева А.М., Түп райондук САКБнүн сот аткаруучусу Акымбаев А.К., сот аппаратынын кызматкерлери жана Кыргыз Республикасынын Өкмөтүнө караштуу Мамлекеттик салык кызматынын Ысык-Көл областынын райондук/шаардык Башкармалыктарынын өкүлдөрү катышышты.
Жолугушуунун жүрүшүндө сот тарабынан аткарууга берилген, аткарылган жана аткаруудагы жарандар жана юридикалык жактардан мамлекеттик алымды өндүрүү жөнүндө аткаруу барактары тууралуу маалыматтар айтылып, андан соӊ катышуучулар учурдагы маселелер боюнча кызуу талкууга өтүштү.
Салык кызматынын өкүлдөрү жана сот аткаруучулар мамлекеттик алымды өндүрүүдө өз ара аракеттенүүнү нормативдик түрдө жөнгө салуу зарыл экендигин белгилешти.
Ошондой эле, мамлекеттик алым республикалык бюджетке төлөнөөрү өзгөчө эске алынуусу эскертилип, салык кызматы тарабынан мамлекеттик алымды өндүрүү боюнча баардык мыйзамда өндүрүп алуучу үчүн каралган мүмкүнчүлүктөр пайдаланышына көӊүл бурулуусу керектиги айтылды.
Жолугушуунун соӊунда катышуучулар мындай жолугушууларды жылына эки жолу өткөрүп турууну макулдашышты.
2019-жылдын 17-18-сентябрында Нур-Султан шаарында «Сот адилеттигинин сапатын башкаруу: глобалдык тренддер жана тажрыйба» деген темада эл аралык форум болуп өттү. Иш чарага Кыргыз Республикасынын Жогорку сотунун төрайымы Гульбара Калиева жана Кыргыз Республикасынын Жогорку сотунун алдындагы Сот департаментинин директору Кубанычбек Капалов катышышты.
Форумдун ишине алгачкы жолу бир эле учурда абройлуу эки чоң эл аралык ассоциациялар, Эл аралык судьялар ассоциациясы менен Эл аралык сот башкаруу ассоциациясынын өкүлдөрү болуп 900гө жакын киши катышты. Коноктордун арасында судьялар элитасы, сот менеджерлери жана дүйнөдөгү атактуу эксперттер болду. Алар сот адилеттигинин учурдагы жана келечек багыттарын талкуулашты.
Биринчи сессияда спикерлер сот системасын реформалоодогу жаңы ыкмалар, коомдун адилеттүү жана калыс сотторго болгон суроо-талабынын алкагында көз карандысыздык менен жоопкерчиликтин ортосунда тең саалмактуулукту камсыздоо боюнча тажрыйбалары менен бөлүшүштү. Бул тууралуу Грузия, Өзбекстан, Кыргызстан жана Тажикстандын Жогорку сотторунун төрагалары: Мзия Тодуа, Козимджан Камилов, Гульбара Калиева менен Шермухаммад Шохиен, ошондой эле Молдова, Белоруссия жана Росииянын Жогорку сотторунун өкүлдөрү Татьяна Виеру, Валерий Калинкович менен Виктор Момотов сөз кылышты.
Экинчи сессиянын алкагында Португалиянын Юстиция министрлигинин мамлекеттик катчысы Анабела Педросо жана Нидерландынын Утрехт университетинин профессору Филип Лэнгбрук лидерлик сапаттар менен адамдык ресурстарды өнүктүрүү, сот ишинин эффективдүүлүгүн өлчөөдөгү инновациялар, сот органдарынын сапат стандарттарын колдонуу менен адилеттүүлүккө жетүүдөгү жана сот карталарын оптималдаштыруудагы соттордун заманбап архитектурасы боюнча баяндама жасашты.
Үчүнчү сессиянын жүрүшүндө АКШ, Бириккен Араб Эмирлиги, Улуу Британия, Италия жана Германиядан келген эксперттер: Колинрул, Абдулла Аль Маджит, Ричард Гудман, Франческо Контини, Азер Алиев жана Мими Зу IT-технологиялардын артыкчылыктары менен кемчиликтери, алардын сот адилеттигине жетүүдөгү тийгизген таасири, судьялардын көз карандысыздыгы жана жоопкерчилиги, жасалма интеллектти колдонуу тууралуу айтып беришти.
Ошентип, форумдун катышуучуларынын азыркы күндөгү сот адилеттигине тийиштүү маселелерди чечүүдөгү тажрыйба алмашуу менен мындан ары дагы кызматташтык тилектештигин көрсөткөн конструктивдүү диалог жүрдү.
Эске салсак, Судьялардын эл аралык ассоциациясы саясий эмес профессионалдуу эл аралык уюм катары 1953 –жылы Австриянын Зальцбург шаарында негизделген. Азыркы күндө аталган ассоциация дүйнөнүн 5 континентинен судьялардын 90 улуттук ассоциациясынын башын бириктирип турат. Алар өзүнө Ассоциациянын сот системасынын адам укуктарын жана эркиндиктерин камсыздоодогу ишинин негизи катары, сот бийлигинин көз карандысыздыгын коргоо боюнча идеялары менен максаттарын жайылтуу милдетин алышкан.
Сот департаментинин Талас облустук башкармалыгы Улуттук көчмөндөр оюнунун алдында ишембилик өткөрдү
16 сентября 2019
Улуттук көчмөндөр оюнунун алдында ушул жылдын 14- авгутунда Кыргыз Републикасынын Жогорку сотуна караштуу Сот департаментинин Талас облустук башкармалыгынын аянтын, тазалоо боюнча ири иш-чара өткөрүлдү.
Ишембилике Башкармалыктын жалпы жааматы чыгып Башкармалыктын аянтын тазалоо жана Талас шаарынын социалдык инсфраструктурасын, сонитардык абалын жакшыртуунун алкагында өткүөрүлдү.
Башкармалыктын башчысы “Улуттук көчмөндөр оюнуна катышуу үчүн Талас областына Кыргыз Республикасынын баардык аймкактарынан келе турган конокторду тосууга ар бир үй, короо, көчөө даяр болуусу маанилүү. Биз бул аймакта тазалыкты жана тартипти камсыз кылууга милдеттүүбүз, ошондой эле бүткүл мамлекетибиздин коомчулугуна кең пейил меймандостугубузду көрсөтүшүбүз керек. Ошондуктан бул экологиялык акция биз үчүн маанилүү ” – деп билдирди.
Сот департаментинин Талас облустук башкармалыгынын мамлекеттик кызматкерлери ант беришти
25 июля 2019
2019-жылдын 18-июлунда Кыргыз Республикасынын Жогорку сотуна караштуу Сот департаментинин Талас облустук башкармалыгында Кыргыз Республикасынын “Мамлекеттик жарандык кызматы жана муниципалдык кызматы жөнүндө” Мыйзамынын 25-беренесине ылайык, мамлекеттик кызматкерлер Башкармалыктын жетектөөчү адиси жана Кара-Буура райондук Соттук-аткаруучулар кызматынын бөлүмүнүн сот аткаруучусу, Кыргыз Республикасынын Конституциясын жана Кыргыз Республикасынын Мыйзамдарын сактоону жана өз милдеттерин мыйзамдуулук жана адилеттүүлүк, айкын жана ыктыярдуу принциптери менен аткарууну жана Кыргызстандын элине кызмат кылуу тууралуу ант беришти.
Бул мамлекеттик кызматкерлерине Башкармалыктын жетекчиси Чакиев А.М. жана башкармалыктын кызматкерлери коштоо сөздөрүн айтышты. Анда, кызматта, өз милдеттерин так аткарууну, дайым билимин жогорулатууга аракет кылууну жана берген анттары бек турууга чакырып кетишти.
Бүгүнкү күндө, 2019 –жылга карата штаттык ыраттамага ылайык, Талас облусунда 10 сот аткаруучусу иштеп жатат.
Кыргыз Республикасынын Жогорку сотуна караштуу Сот департаментине жаңы жетекчи дайындалды
06 июня 2019
Бүгүн, 2019 жылдын 6-июнунда, Кыргыз Республикасынын Жогорку сотунун төрайымы Г.Калиева Кыргыз Республикасынын Жогорку сотуна караштуу Сот департаментинин борбордук аппаратынын жамаатына департаменттин директору Кубанычбек Капаловду тааныштырды.
Кыргыз Республикасынын Жогорку сотунун төрайымы Сот департаментинин жаңы жетекчисине ийгиликтерди каалоо менен тапшырмаларды коюп, өзүнүн буга чейин болгон иш тажрыйбасын тийиштүү милдеттерди чечүүгө жардам берет деген ишенимин билдирди.
Кубанычбек Капалов бүгүнкү күнгө чейин Кыргыз Республикасынын Жогорку сотуна караштуу Сот департаментинин Жалал-Абад областтык башкармалыгынын башчысы болуп иштеп келген.
Өзүнүн эмгек жолун 2005-жылы генерал-майор Шабиров атындагы КРнын ИИМнин орто мектебинин филиалынын курсанты жана Ош областтык ички иштер башкармалыгынын милиционери болуу менен баштаган.
2006-жылы Кыргыз мамлекеттик юридикалык академиясынын Түштүк регионалдык институтунун кадр бөлүмүнүн 2- категориядагы адиси болуп дайындалган.
Андан соң “Жазык укугу” кафедрасына окутуучу-стажер болуп которолуп, ошол эле учурда жаштар иштери боюнча комитеттин төрагасы болуп эмгектенген.
2008-жылы конкурс аркылуу “Жазык-укуктук” кафедрасына окутуучу болуп шайланып, ошол эле жылы келишим менен тарбиялык иштер боюнча ректордун жардамчысы болуп дайындалган.
2010-жылы Ош мамлекеттик юридикалык институтунун “Жазык укук жана процесстик” кафедрасынын улук окутуучусу болуп, 2014-жылга чейин Ош мамлекеттик юридикалык институтунда эмгектенген.
2014-жылдын апрель айында Сот департаментинин Ош областтык башкармалыгынын башкы адиси, ошол эле жылдын декабрь айында конкурстук тандоонун жыйынтыгы менен Сот департаментинин Талас областтык башкармалыгынын башчысы болуп дайындалган.
20016-жылдын апрелинен тартып Кубанычбек Капалов Сот департаментинин Чүй областтык башкармалыгынын башчылыгына (ротациянын негизинде) которулуп, 2016-жылдын 1-ноябрынан тартып бүгүнкү күнгө чейин Сот департаментинин Жалал-Абад областтык башкармалыгын жетектеп келген.
Студенттердин укуктук билим денгээлин жогорулатуу максатында Талас областынын райондор аралык сотунун төрагасы Нурман Нартаев жана судьясы Темирбек Ибраимов, ошондой эле Талас областынын сот приставдар кызматынын улук соттук приставы Сулайман Алымкулов, Талас мамлекеттик университетинин алдындагы ОСПО Талас колледжинин “Укук тануу” кесиби боюнча 2-курсунун студенттерине лекция окушту.
Лекцияда судьялар сот тутумунда болуп жаткан соттук-укуктук реформалар жөнүндө, 1-январь 2019-жылдан баштап сот өндүрүшүндө колдонулууга кирген жаңы кодекстер менен мыйзамдар боюнча түшүндүрмөлөрдү беришти, анын ичинен экономикалык жана административдик иштердин каралуусунун өзгөчөлүктөрү боюнча, ошондой эле автоматташтырылган-маалыматтык система жөнүндө кеңири маалыматтарды чагылдырышты жана соттук-укутук реформадан тышкары сот тутумунда өтүп жатан иш-чаралар жөнүндө айтышты. Мындан тышкары, Талас областынын сот приставдар кызматынын улук соттук приставы Сулайман Алымкулов аткаруу өндүрүшү жөнүндө, соттук приставдар институтунун киргизилишин жана алардын функционалдык милдеттери жөнүндө маалымат берди.
Ал эми, студенттер судьяларга жана соттук приставга кызыгуу жараткан суроолорун узатышты жана аларга толук жоопторун алышып, ошондой эле, соттун ишмердиги жөнүндө практика жүзүндө тааныштырууну суранышты жана бул сураныч судьялар тарабынан канааттандырылаарын билдиришти.
Лекциянын аягында, Талас областынын райондор аралык сотунун төрагасы Нурман Нартаев жана судьясы Темирбек Ибраимов, ошондой эле Талас областынын сот приставдар кызматынын улук соттук приставы Сулайман Алымкулов, студенттерге юрист кесибин өздөштүрүүдө ийгилик каалап кетишти.
Кыргыз Республикасынын Жогорку сотуна караштуу Сот департаментинин директору Капалов Кубанычбек Максатбекович.
Урматтуу биздин сайтка кирүүчүлөр жана достор!
Кыргыз Республикасынын Жогорку сотуна караштуу Сот департаментинин расмий сайтына кош келиңиздер!
Биздин ведомствонун ишмердүүлүгү боюнча Сиздерди кызыктырган суроолорго жооп берүүгө Биз даярбыз. «Жарандардын кайрылуулары» бөлүгүнө кайрылыңыздар.
Урматтоо менен,
Кыргыз Республикасынын Жогорку сотуна караштуу Сот департаментинин директору Капалов К.М.
Урматтуу биздин сайтка кирүүчүлөр жана достор!
Кыргыз Республикасынын Жогорку сотуна караштуу Сот департаментинин расмий сайтына кош келиңиздер!
Биздин ведомствонун ишмердүүлүгү боюнча Сиздерди кызыктырган суроолорго жооп берүүгө Биз даярбыз. «Жарандардын кайрылуулары» бөлүгүнө кайрылыңыздар.
Урматтоо менен,
Кыргыз Республикасынын Жогорку сотуна караштуу Сот департаментинин директору Капалов К.М.
Видео
